Tabeer by Cellina Faisal | Complete novel5128 PDF Download Available

“اچھا اماں اب میں چلتا ہوں۔” انہوں نے سر پر ہاتھ رکھا اور دلاور خان باہر نکلا دروازہ کھلتا دیکھ گُلِ رعنا نے نیلوفر کو آگے جانے کا اشارہ کیا دلاور خان دھیرے دھیرے آگے بڑھ رہا تھا تو نیلوفر اس کے پیچھے چل پڑی دلاور خان کو اپنے پیچھے کسی کی موجودگی کا احساس ہوا تو وہ مڑا پیچھے نیلوفر کو دیکھا تو پہلے حیران ہوا پھر ذرا سی سختی در آئی “یہاں کیا کر رہی ہو؟”

 نیلوفر کا دل زور زور سے دھڑکنے لگا “تنہارے سے ملنے آئی ہوں۔”

” کس لیے؟” وہ قریب آئی تو دلاور اس کو دیکھتا رہا

“یہاں سے کہیں چل کے بات کریں؟” نیلوفر نے معصومیت سے کہا

“تم گھر جاؤ۔” وہ چلنے لگا تو نیلوفر نے اس کا ہاتھ پکڑا

“تم جتنی دیر تک بات نہیں کرو گے میں نہیں جاؤں گی ایسے ہی کھڑی رہوں گی پیچھے، پھر سب دیکھیں گے مجھے، کیا تم کو یہ گوارا ہوگا کہ کوئی تمہاری ہونے والی دلہن کو یوں دیکھے؟”

 نیلوفر نے معصومیت کے سارے ریکارڈ توڑ دیے دلاور خان نے اپنی چادر سنبھالی جو کندھوں پر ڈالے گھوم رہا تھا اور نیلوفر کو لے کر ایک جگہ چلا گیا وہاں وہ بیٹھا تو نیلوفر بھی ساتھ بیٹھ گئی دلاور خان نے غصے میں اس کو دیکھا تو وہ بولی

“ناراض ہو؟ جانتی ہوں میں۔” پھر اس کا ہاتھ پکڑا “میں پریشان تھی نہ اس دن۔”

” لیکن پریشانی میں کیا تم ہاتھ اٹھاؤ گی؟” وہ اب بھی غصے میں بولا نیلوفر نے اس کا ہاتھ سہلاتے آنکھوں میں آنسو لیے کہا

“اب کب تک رہو گے ناراض؟” دلاور اس کو دیکھتا رہا مبہوت سا وہ واقعی خوبصورت لگ رہی تھی

“اچھا اب رونا مت۔” دلاور خان نے آرام سے کہا

“نیلوفر اماں سے بات کرنے ہی والا تھا اب تمہیں بیاہ لاؤں گا اپنے گھر بس۔” نیلوفر کا دماغ بھک سے اڑ گیا “دلاور خان ابھی؟”

“ہاں اب ہی۔”

“میں ایک فرمائش کروں مانو گے؟ نیلوفر نے نہایت معصومیت سے بولا

 “اتنے پیار سے کہو گی تو جان بھی دے دوں گا۔”

” تو جان دے دو تم!!” دل ہی دل میں نیلوفر نے جواب دیا

“میں ابھی نہیں کرنا چاہتی شادی۔” دلاور خان نے اپنا ہاتھ چھڑایا

“کیوں؟” دلاور خان تیزی میں بولا  “تم لڑکی ہو کر اس قسم کی بات کر رہی ہو.”

” ابھی تم نے کہا میں مان جاؤں گا جان دے دوں گا اور اب یہ سب۔؟” نیلوفر نظریں جھکائے بولی

” لیکن اور کتنا انتظار کریں ہم تمہارا؟”

” مطلب انتظار نہیں کر سکتے ٹھیک ہے پھر ۔” وہ اٹھ کھڑی ہوئی دلاور خان ساتھ کھڑا ہو گیا اور اس کا ہاتھ تھام کر قریب کیا اب اس ڈرامے سے الجھن ہو رہی تھی ڈر لگ رہا تھا وہ دلاور خان کو جانتی تھی اگر اس کو پتہ لگا یہ ڈرامہ ہے تو وہ جان سے مار دے گا سب کو۔

” روٹھ کیوں رہی ہو؟”

” جب کوئی سن نہیں رہا میری تو اور کیا کروں؟” نیلوفر نے نظر جھکائے کہا

“میں۔۔” دلاور خان ابھی جملہ مکمل کرتا کہ نیلوفر نے روک دیا

“رہنے دو تم ۔۔” وہ ناراض سا بولی

 “کتنا عرصہ انتظار کرنا ہے؟” دلاور  خان بولا

“ساری زندگی ہو تو؟”

” تو یہ ظلم ہوگا۔!”

” کچھ وقت صرف میں نے کون سا کہیں جانا ہے!”

” اچھا میں اماں سے بات کروں گا”

“ضرور کرنا۔” نیلوفر دل ہی دل میں خوش ہوئے

“سنو ؟”  دلاور خان اس کو غور سے دیکھتا بولا “تم خوبصورت لگ رہی ہو اتنی مہربان کیسے ہوئی آج؟”

” بس دل کیا تو آگئی مجھے کیا معلوم تھا تم شادی کی بات کرو گے میں نے بڑی تیاریاں کرنی ہیں اس میں وقت لگ جائے گا.”

” ہاں لے لو تم وقت مگر زیادہ نہیں۔”  دلاور خان تھپڑ کا سارا غصہ بھول بھال گیا

” اچھا تم لالہ سے ملاقات کا ذکر نہ کرنا ورنہ وہ ناراض ہوں گے ہم سے.”

 نیلوفر نے اس کی چادر ٹھیک کرتے کہا

“بھلا اتنا بے شرم ہے کہ ہم ملاقاتوں کے قصے اپنی منگیتر کے بھائی کو بتائے گا؟” دلاور خان بُرا منا لیا

“مجھے تم سے یہی امید تھی۔”  وہ مسکرا کر بولی

” اچھا اب میں چلتی ہوں اس سے پہلے کوئی دیکھ لے۔”

” ہاں چلو میں آتا ہوں بعد میں۔” دلاور مسکرا کر بولا نیلوفر مسکرا کر مڑی مڑتے ساتھ ہی اس کی مسکراہٹ غائب ہو گئی خاموشی سے چلتی وہ وہیں آگئی جہاں گُلِ  رعنا تھی

“ہو گیا کام؟”

” ہاں ہو گیا۔” نیلوفر کی آواز میں نمی گھل گئی

” کیا ہوا ؟” گل رعنا نے دیکھا اس کا چہرہ اترا ہوا ہے

” مجھے نہیں کرنا تھا یہ سب مجھے الجھن ہو رہی ہے گل سب زہر لگ رہا ہے مجھے۔” یہ کہہ کر وہ وہاں سے تیزی سے چلی گئی گل رعنا نے گہرا سانس لیا۔ اس کی بہن اور اس کی انسانیت اب دو تین گھنٹے غم میں گزار دے گی اور گل کے سوچے کے مطابق ہی ہوا گُلِ رعنا گھر آئی تو نیلوفر روتی رہی تھی کتنی دیر۔ نیلوفر گھر آتے ہی کمرے میں بند ہو گئی تھی۔ دروازہ اندر سے بند تھا، اور سسکیوں کی آواز دیواروں سے ٹکرا رہی تھی۔