Ma Ul Malook By Nighat Seema | Complete novel5036 PDF Download Available

✦✧✦⋯⋯⋯⋯⋯⋯⋯⋯⋯✦✧
“زمل“ زین نے آہستہ سے کہا۔ ” میں جانتا ہوں کہ تم مجھ سے بہت خفا ہو۔ شاید میں تمہیں کبھی منا نہ پاؤں۔ میرے کندھوں پر بہت جرموں کا بوجھ ہے۔ میں نے تمہارا اعتبار نہیں کیا۔ جو مجھے دکھایا گیا میں نے وہی دیکھا۔ جو سمجھایا گیا کسی نادان شخص کی طرح اسے ایسے ہی سچ جان لیا۔ مجھے وہ خط لے کر تمہارے پاس آنا چاہیے تھا، پوچھنا چاہیے تھا کہ یہ کیا ہے کیوں ہے۔ یہ مجھے اب سمجھ میں آئی ہے تب نہیں تھی، میں اگر وقت پر قادر ہوتا تو سارا ماضی ایسے ہی کر دیتا جیسا کہ تھا اور تم سے آکر کہتا۔ “دیکھو ملی، ہماری جنت میں کوئی سانپ گھس آیا ہے مجھے ورغلانے اور ہماری جنت اجاڑ نے کو۔ تم ضرور کچھ ایسا کر لیتیں کہ یہ اذیت بھرے سیال ہماری زندگی میں نہ آتے لیکن میں نے خود کو بہت دیالو جانا اور اپنے لیے لمحہ لمہ قتل ہونا چنا تمہیں خوشی دینے کے لیے۔ تمہیں ہجر اور نارسائی کی اذیت سے بچانا چاہا کہ جانتا تھا کہ ہجر کے خارزار میں اترنا آسان نہیں ہوتا اماں اور پھر ابا کے بعد وہ اذیت بھری ہجر راتیں میں بھولا نہیں تھا اور میں نے یہ سب اس لیے نہیں کیا تھا ملی، کہ میری اس محبت کی قربانی کو کتابوں میں لکھا جانا تھا۔ بلکہ اس لیے کہ میں تم سے محبت کرتا تھا لیکن تمہیں اذیت سے بچانے کی چاہ میں اور اذیت دے بیٹھا۔ دنوں، ہفتوں مہینوں بھول بھلیوں میں بھٹکنے کے بعد راستہ ملا تو دوڑا چلا آیا۔ دستک دی لیکن بھول گیا تھا کہ چوکھٹ کھو جائے تو حلقہ دیوار ہی رہ جاتا ہے۔ شاید میں نے تمہیں کھو دیا تھا۔ میں تو کسی ننھے بچے کی طرح منہ بسور کر تمہارے آنچل میں چھپنا چاہتا تھا کہ ہمیشہ کی طرح تھوڑا ناراض ہو کر تم مان جاؤ گی لیکن شاید اس پر میرا جرم نا قابل معافی ہے۔ میں نہیں جانتا کہ تمہیں کیسے مناؤں کیسے مانو گی تم، مجھے تمہارا ہر فیصلہ منظور ہے۔ جو تم چاہو گی ایسا ہی کروں گیا۔ میرا یہاں ہونا شاید تمہیں تکلیف دیتا ہے۔ چند دنوں میں چلا جاؤں گا۔
” ہو سکے تو مجھے معاف کر دینا لیکن ایک بات یاد رکھا کہ تمہاری محبت میرا سرمایہ زندگی بھی اور ہے۔ تمہاری محبت کی میں نے ہمیشہ کسی قیمتی خزانے کی طرح حفاظت کی۔ میری کتاب دل میں تو تمہارے لیے بہت سے عہد و پیمان تھے، ارادے تھے۔ میں تو تمہارے قدموں میں محبت خوشی اور مسرت کے سب ستارے ڈھیر کرنا چاہتا تھا۔ تم میری دنیا کی ایسی ساحرہ ہو جس کی ہنسی کے سحر سے میں کبھی نکل ہی نہیں سکا۔۔۔”
زمل نے رخ موڑ کر شاکی نظروں سے اسے دیکھا اس کی آنکھوں کی سطح پر دو موتی چمک رہے تھے۔
“تم محبت کا دعوی کرتے ہو زین، لیکن یہ کیسی محبت ہے کہ آج بھی تم مجھے نہیں جان سکے۔ ایک بار پھر اپنے جانے کی خبر دے کر موت کا سندیسہ تھما رہے ہو۔ ابھی پچھلے انتظار کی اذیت کے نشان دل پر ثبت ہیں اور ۔۔ ” آنسوؤں کے قطرے رخساروں پر پھیل آئے تو زین نے تڑپ کر ان قطروں کو قیمتی موتیوں کی طرح انگلیوں کی پوروں پر چن لیا۔
” میں نے تمہیں پھر رلا دیا ز مل، تم جانتی ہونا تمہارا رونا میرے لیے کتنا تکلیف دہ ہوتا ہے، میں نے تو ہمیشہ ان آنکھوں میں ہنسی کے جگنو د سکنے کی دعائیں کی ہیں۔۔۔” آرین کی آنکھوں میں بھی نمی چمکی تھی۔
“اور ان آنکھوں کو پھر انتظار سونپ کر جارہے ہو۔ انتظار کی اذیت جانتے ہوئے بھی کیا چاہتے ہو تم۔۔”
” میں چاہتا ہوں تم ہمیشہ میرے سامنے میرے سنگ رہو۔ میں تم سے لڑنا جھگڑتا رہوں۔۔ تمہیں مناتار ہوں لیکن تم میری رہو ہمیشہ میری۔۔۔ میری جبیں پر ہمیشہ میرے مقدر کا ستارہ بن کر چمکتی رہو زمل ۔۔” اس نے بے اختیار ہی اس کے ہاتھ اپنے ہاتھوں میں لے لیے۔
” تم نے مجھے میری کمیوں، خامیوں سمیت اپنایا تھا نا۔۔ تم تو جانتی ہونا میری شخصیت کی عمارت میں بہت سے جب ہیں۔ ٹیڑھی میڑھی ہے۔ تم اسے سنوار دینا زمل، اپنی محبت کے یقین سے گرنے لگوں تو تھام لینا لیکن یہ یقین بھی نہ کھونا کہ میں سرتاپا صرف تمہارا ہوں۔۔۔”
زین کے ہاتھوں کی گرفت اس کے ہاتھوں پر سخت ہوئی ہوئی دونوں ایک دوسرے کی طرف دیکھ رہے تھے۔ دونوں کی آن رہے تھے۔ دونوں کی آنکھیں نم تھیں لیکن اس نمی میں خوش رنگ خوابوں کی تتلیاں رقص کرتی تھیں۔ ایسے خوش رنگ خواب جن کی تعبیر یقین بن کر ان کے دل پر اتر رہی تھی