اس نے موبائل اٹھایا اور شمائلہ کا نمبر ڈائل کیا۔ عین اسی لمحے سیمی دروازے پر آکر رکی تھی۔ جس لمحے اس نے شمائلہ سے بات شروع کی تھی۔
“آپ کہہ رہی ہیں تو ٹھیک ہی ہوگا۔” اس کا لحجہ کسی بھی قسم کے جذبات سے عاری تھا۔ “میں مصروف تھا شمائلہ!”

سیمی نے پہلا قدم کمرے میں رکھا تھا اور برف
“میں بھی آپ سے ملنا چاہتا ہوں۔ کچھ ضروری باتیں کرتی ہیں آپ سے۔” خضر اس کی موجودگی سے انجان کہتا جا رہا تھا۔ اور سیمی کا دل جیسے

کسی نے مٹھی میں بھینچ کر نچوڑ دیا۔
“آپ کب آسکتی ہیں شہر؟”
سیمی کے اندر سے خضر کے لیے ہر جذبہ، ہر احساس بھاپ بن کر اڑتا چلا گیا تھا۔ اس کے قدموں میں آگ دہک رہی تھی۔
“اس منتھ کے لاسٹ ویک مجھے ایک ڈیل کے سلسلے میں اسلام آباد جانا ہے۔” یہ بھی اس کے لیے اک نئی اطلاع تھی۔ وہ اطلاع جو اس کو نہیں ملی تھی، شمائلہ کومل رہی تھی۔ “شیور۔۔اس سے پہلے۔۔” اس نے بات ختم کی موبائل کان سے ہٹایا۔ مڑا اور ٹھٹکا۔

سیمی چہرے پر بدگمانی کے ہزاروں رنگ لیے ساکت و صامت کھڑی تھی۔ اتنی ٹھوس اور جامد کہ خضر ایک پل کو ساری خفگی بھول گیا۔
“یہ ہیں آپ کے ڈیل اسٹینڈرڈ جس بات کو لے کر آپ مجھے گلٹی فیل کروارہے ہیں، اسی بات پر آپ اپنی ملاقاتیں طے کر رہے ہیں؟”

سیمی زہر خند لہجے میں بولی تھی۔ خضر سمجھ گیا تھا کہ وہ اس سے کیا اخذ کر رہی ہے۔

“ویٹ تم غلط سمجھ رہی ہو۔”
“میں آپ کو غلط سمجھ رہی تھی۔ کل تک جس لڑکی نے آپ کو بے وقوف بنایا آپ کے جذبات سے کھیلا آج آپ کے دل میں اس کے لیے نرم گوشہ

کیوں پیدا ہو گیا ہے۔”
وہ حلق کے بل چلائی تھی۔ یہ آواز باہر تک گئی۔ شاید گھر کے افراد کے کانوں تک۔ ایسے پروا نہیں ہوئی۔ وہ آپے سے باہر ہو رہی تھی۔ اور آنکھیں ابل

ابل رہی تھیں۔
“سیمی ایسا کچھ نہیں ہے۔” خضر نے سختی سے اسے منع کیا تھا۔ مگر اتنے دنوں کا لاوا تھا، آتش فشاں آخر پھٹ گیا تھا۔
“میں آپ کو مختلف سمجھ رہی تھی خضر! مجھے گلٹ تھا کہ آپ کے جذبات مجروح ہوئے۔ مگر نہیں آپ بھی باقی سب کی طرح نکلے۔ دوسروں کو

کھلونا سمجھنے والے۔”
“میرے بارے میں اندازے مت لگاؤ تم سمجھیں۔” خضر کو بھی غصہ آنے لگا تھا۔
“یہ اندازے نہیں ہیں خضر صاحب! مجھے یقین ہو گیا ہے۔ ہمیشہ سے تھا۔ مگر اک موڑ پر آکر مجھے لگا شاید میں شاید میں غلط تھی۔ میں ہی بے وقوف ہوں کہ بار بار دھوکا کھا جاتی ہوں۔ کبھی دوست ماننے والی کے ہاتھوں تو کبھی۔۔۔’ اس نے سلگتی نگاہیں خضر پر ڈالی تھیں۔ نا پسندیدگی ،

غصہ، نفرت، بدگمانی کیا کیا بھرا تھا ان آنکھوں میں ۔
“تم تم مجھے شمائلہ سے ملا رہی ہو؟” خضر کو صدمہ پہنچا۔ اس کی آنکھیں چندھیا گئیں۔
“تم دونوں جدا کب ہوئے تھے، کہ میرے ملانے کی ضرورت پڑتی، خضر آپ نے بھی میرا فائدہ اٹھایا ہے۔ آپ ہمیشہ شمائلہ کے تھے۔ میرے ساتھ تو

فقط دل بہلا رہے تھے۔ ترس کھا رہے تھے ۔”
“شٹ اپ سیمی!” خضر دھاڑا تھا۔ “تمہیں سنائی دے رہا ہے کیا بکواس کر رہی ہو؟”
“کیوں برا لگ گیا، بتاؤ مجھے کیوں؟ اس سے تعلق رکھ رہے ہو۔ اب تو سب کچھ جانتے ہو تم پھر ایسی کون سی ضروری باتیں رہ گئی ہیں۔” سیمی کا

لہجہ اتنا تحقیر آمیز ہو گیا تھا کہ خضر کا غصہ بھی سوا نیزے پر جا پہنچا۔
“میں تمہیں جواب دہ نہیں ہوں۔ یہ میری زندگی ہے۔” وہ کرختگی سے بولا تھا۔ سیمی کے چہرے پر تمسخر اڑا۔
“اور میری زندگی میں تم نے آنے کی کوشش کیوں کی۔ تم کیوں مجھ پر مسلط ہو رہے ہو۔ تم اندر سے وہ نہیں ہو، جو باہر سے ہو۔ میں بہت پہلے جان گئی تھی۔”
“کیا کیا جانتی ہو میرے بارے میں؟ صرف ایک فون کال کی چند باتیں سن کے، جس کے بارے میں تمہیں معلوم بھی نہیں کہ وہ کسی مقصد سے ہو رہی تھیں۔