Kar Chalay Jaan Nisar Hum by Sania Umair| Complete novel5078 PDF Download Available

✦✧✦⋯⋯⋯⋯⋯⋯⋯⋯⋯✦✧✦ 
.
لاؤ اس خوشی میں تمہاری اسائنمنٹ میں کر دیتی ہوں۔۔ درسمین نے کتابیں اور نوٹس اپنی طرف کھسکائے اسے دماغ مصروف رکھنے میں سکون ملتا تھا۔
“یہ سائیکالوجی ہے۔ مجھے خود ہی کرنا پڑے گا ۔۔”لائبہ نے جمائی لیتے ہوئے کہا۔ تب تک درثمین اس کے نوٹس پڑھنا شروع کر چکی تھی۔
وہاں مختلف قسم کی ذہنی بیماریوں کا ذکر تھا۔ اپنی پڑھائی کام لگتی تھی تو دوسرے کی پڑھائی دلچسپ در مشین بھی پڑھتی گئی۔ نوٹس کے آخری صفحوں میں ایک ذہنی بیماری کا ذکر تھا۔
“خوف اور فریب کی بیماری۔”
جس میں آپ کا ذہن پہلے کہانیاں گھڑتا ہے کہ کوئی آپ کو نقصان پہنچانا چاہتا ہے۔ پھر اپنے ہی فریب کو سچ سمجھ کر اس میں جکڑا جاتا ہے۔ وہ پڑھتی گئی تو احساس ہو، یہ سب کسی حد تک شناسا باتیں ہیں۔ اس کے رونگٹے کھڑے ہو گئے۔ یہ اس لیے شناسا تھیں کیونکہ اس کی امی نعیمہ میں یہ سب علامتیں تھیں ۔ دھڑ دھڑ اس کی زندگی کے واقعات اس کے ذہن میں زلزلہ زدہ عمارتوں کی طرح گرے۔ پیرانوئڈ انسان کو یہ بھی لگ سکتا ہے کہ کوئی اس کا پیچھا کر رہا ہے۔ در ثمین کو اپنی ماں کی حرکتیں یاد آئیں۔ کیسے وہ کتنی دفعہ منہ چھپا کر گھر آتی تھیں اور سارے تالے لگاتی تھیں کیونکہ انہیں یقین تھا کوئی ان کا پیچھا کر رہا ہے۔ درمین نے خیال جھٹکا۔ اب ایسا بھی نہیں ہے کہ اس کی پڑھی لکھی ماں کسی وہم میں جی رہی ہو۔ زندگی اتنا بے ہودہ سر پر اتر نہیں دے سکتی۔
اسے یقین تھا پھر بھی وہ خود کو لائبہ کے نوٹس پڑھنے سے نہیں روک سکی ۔ وہ جیسے جیسے پڑھتی گئی اس کو احساس ہوتا رہا کہ نعیمہ میں ایک دو نہیں نوے فیصد علامات ہیں۔ مشکل حالات میں جب آپ کمزوری محسوس کر رہے ہوں تو سے ذہنی بیماری سطح پر آسکتی ہے۔
درثمین نے ماں کی سوچ کی ابتدا کا سر ڈھونڈا ، اسے تو وہ ہمیشہ سے ایسی ہی لگی تھیں۔ خوف سے پہلے کا وقت بہت مختصر اور پرانا تھا۔ پھر بھی وہ یادیں کھنگالتی رہی۔ پھر یاد آیا نعیمہ اس کے باپ کی موت کے بعد جب دکھی اور ستائی ہوئی تھیں تب اپنا ہی خوشیوں کا مسکن نعیمہ کو قید لگنے لگا تھا۔ درثمین کے پسینے چھوٹنے لگے۔ ایسا انسان اعتبار نہیں کرتا، شک کرتا ہے ۔ چاہ کر بھی پر سکون نہیں ہو سکتا۔
اسے یاد آیا اس کی ماں بچپن میں رسیوں سے اس کے ہاتھ باندھ دیتی تھیں اور کھولنے کی مشق کرواتی تھیں
“یا خدایا! کون سی ماں اپنی اولاد کو وہ سب اذیتیں دیتی ہے جو جو نعیمہ نے خود پر اور درثمین پر مسلط کر رکھی تھیں۔ اسے اپنی ماں کی کوئی بات بھی اب نارمل نہیں لگ رہی تھی۔ وہ دوست نہیں بناتء تھیں کہ کہیں کوئی ان تک پہنچ نہ جائے ۔ وہ اتنے سالوں سے جس خوف تلے جی رہی تھیں، وہ سچ تھا بھی کہ نہیں۔ اگر کوئی اتنے ہی دشمن تھے تو سالوں سے خاموش کیوں تھے اور ایسا کیا قصور ہو گیا تھا ان ماں بیٹی ہے جو جان کا خطرہ لاحق ہو گیا۔ ایک سادہ سے فیملی ڈرامے کو گھمبیر سازش میں بدلنے والی نعیمہ تھیں اور کوئی نہیں۔ درثمین کا سر چکرانے لگا۔
✦✧✦⋯⋯⋯⋯⋯⋯⋯⋯⋯✦✧✦
“آپ آگے چلیں۔ میں آرہا ہوں ۔۔” آخر اس نے کہہ دیا۔
“مجھے معلوم نہیں ہے، کہاں جانا ہے۔۔” لائبہ نے رک کر اس کی طرف دیکھا۔
“پھر میں آگے چلتا ہوں ، آپ پیچھے آجائیں۔۔” اس نے تجویز دی ۔ جولائبہ کو قبول نہیں تھی۔
“ایسا لگے گا میں آپ کا پیچھا کر رہی ہوں۔ پھر پیچھے چلنے سے تحفظ کا احساس نہیں ہوتا۔۔” اس نے سادگی سے کہا۔
بڑبولی تو وہ پہلے ہی تھی۔ تہذیب کے چند فلٹر جو بیچ میں حائل تھے وہ درثمین کی پریشانی میں چھٹ گئے تھے۔ پہیلیاں بجھائے بغیر سیدھی بات کرنے والی کی بات اویس کو ایک دم سے دل پر لگی۔ اس نے لائبہ کو دیکھا تو اپنی امی کا کہا یاد آیا۔
“ملتانی مٹی سا رنگ ہے۔ آنکھیں چھوٹی ہیں پر شرارت سے ناچتی رہتی ہیں۔ سیدھا پتے کی بات کرتی ہے۔ بولتی بہت اچھا ہے۔ دل کرتا ہے بولے جائے اور ہم سنے جائیں۔۔ “
وہ لوگ عرصہ ہوا شہر آگئے تھے ۔ پڑھ لکھ گئے تھے۔ مگر روایت ان کی یہی تھی۔ ماں کی جو پسند تھی اس نے خاموشی سے مان لینی تھی۔ اب تک اسے وقت نہیں ملا تھا اس بارے میں سوچنے کا۔ اب سوچ رہا تھا تو وہ سامنے تھی اور بہت تنقیدی نظروں سے دیکھ رہی تھی ۔۔
“لگتا ہے، آپ کو میرا ساتھ چلنا پسند نہیں۔ٹھیک ہے پھر میں آگے چلی جاتی ہوں۔ درے کو بتاؤں گی۔ کہہ رہی تھی لڑکا دیکھو تو سہی شاید تمھارے حق میں۔۔۔” لائبہ اپنی لے میں کہتی آگے کو چلتے ہوئے بولنا شروع ہو گئی۔ پھر اپنے ہی خیال سے ٹھٹھک گئی۔
” وہ درے کو کیسے بتاۓ گی؟ ؟”
اویس پیچھے آرہا تھا۔ لائبہ چونک کر رکی تب تک وہ اس کے ساتھ آچکا تھا۔ تھا۔
” آپ اسے ڈھونڈ دیں گے نا؟ وہ مل جائے گی ؟” لائبہ نے ڈبڈبائی آنکھوں سے اس کی طرف دیکھا۔
اویس نے لمحہ بھر بھی غفلت نہیں کی تھی۔ پھر بھی اسے شرمندگی ہوئی کہ اب تک لائبہ کی دوست کو ڈھونڈ کیوں نہیں پایا۔ اس نے کچھ کہے بنا لائبہ کو اشارے سے چلنے کو کہا۔ وہ امید نہیں تعبیر دینا چاہتا تھا۔

Click Here To Read Online👇🏼