Kahen Jugnuon Ki Qatar Mein By Fakhira Jabeen| Complete novel5080 PDF Download Available

✦✧✦⋯⋯⋯⋯⋯⋯⋯⋯⋯✦✧✦ ” محترم ! دیکھنے میں تو آپ صرف بے وقوف لگتے ہیں لیکن در حقیقت آپ پاگل پن کی انتہائی سٹیچ پر پہنچ چکے ہیں۔۔۔۔ کیا اس گھر میں آپ کے سوا اور کوئی شخص نہیں جن سے ہم مل سکیں۔۔۔۔ “ضبط جزبات سے نواب صاحب کا چہرہ تپتے تنور کی طرح ہو گیا تھا۔
“بھئی، ایسے کیسے ملوادیں۔۔۔۔ آپ اپنا تعارف تو کر وائیں۔۔۔۔”
اور نواب صاحب کا بس نہیں چل رہا تھا کہ اس ملازم کو کچا چبا جائیں اور ڈکار تک نہ لیں۔
” ہم نواب حسان ہیں۔۔۔۔۔ ” انہوں نے حلق پھاڑ کر کہا تھا اور جوا ب ملازم کی آنکھیں پھٹ گئی تھیں۔
” کیا۔۔۔۔۔؟ یعنی کہ آپ۔۔۔۔۔ آئیے۔۔۔۔۔ آئیے۔۔۔۔۔ تشریف رنجہ ۔۔۔۔۔ میرا مطلب ہے قدم فرمائیے۔۔۔۔۔ اوہو۔۔۔۔۔ ” رٹے رٹائے جملوں کا ستیا ناس ہو گیا تھا۔
” ہم ابھی نواب صاحب کو اطلاع کرتے ہیں۔۔۔۔۔”
ملازم بگٹٹ پیچھے کو بھاگا تھا اور نواب حسان اپنے آپ کو پر سکون کرنے کے بعد اندر داخل ہو گئے تھے۔ سرخ بجری کی روش کے اطراف میں بنا باغ نہایت وسیع و عریض تھا جس میں انواع و اقسام کے پھلدار اور پھولدار درخت موجود تھے مگر نواب حسان کی مرکز نگاہ وہ نازک اندام حسینہ ٹھہری تھی جو ہاتھ میں پائپ پکڑے گلاب کی کیاریوں کو پانی دے رہی تھی۔۔۔۔۔ معلوم نہیں سر سبز و شاداب ماحول کا اثر تھا یا اس نازک کلی کے دیدار کا۔۔۔۔۔ کہ نواب صاحب کی باچھیں خود بخود کھل گئی تھیں۔ گھنی، سیاہ دراز زلفوں پر نظریں جمائے وہ چند قدم آگے بڑھے تھے۔ مینار بنا ہوا تھا۔ وہ کچھ اس طرح کہ ایک بڑی میز کے اوپر ایک چھوٹی میز ، اس چھوٹی میز کے اوپر ایک کرسی اور اس کرسی کے اوپر ۔۔۔۔۔
نواب حسان کی باچھیں ایک بار پھر کھل گئی تھیں۔ نازک لچکیلی ڈال کی مانند وہ لڑ کی دائیں بائیں ، آگے پیچھے ہوتے ہوئے چھت کا پن کا صاف کر رہی تھی۔ انہوں نے اسے پکارنے کے لیے لب وا کیے مگر اگلے لمحے کچھ سوچ ک رہ گئے۔
اگر یہ بھی خوفزدہ ہو کر اچھل پڑیں تو یقینا زمین پر آگریں گی۔۔۔۔۔ چوٹ ووٹ لگ گئی تو۔۔۔۔۔؟”
نواب صاحب کا دل صنف نازک کے معاملے میں کچھ زیادہ ہی نازک تھا۔ سو جھٹ سے دونوں آستینیں چھڑائیں، باز و وا کیے۔۔۔۔۔ اور اس انداز سے کھڑے ہوئے کہ ادھر وہ آواز نکالیں گے ادھر حسینہ تڑ سے ان کے بازوؤں میں آرہے گی (افسانوں میں تو کچھ ایسا ہی پڑھا تھا)۔
” آہم ۔۔۔۔۔!” انہوں نے تگڑے انداز میں کھنکھار کر اپنی آمد کی اطلاع دی تھی۔
” آ گئے ہو کم بخت ۔۔۔۔۔ اول درجے کے ڈھیٹ اور پرلے درجے کے کمینے ہو تم ۔۔۔۔۔ کہاں مرکھپ گئے تھے۔۔۔۔۔ جی تو چاہتا ہے جو تا لے کر ایسی دھنائی کروں کہ ۔۔۔۔۔ “لڑخی فل والیوم سے بولتے ہوئے پلٹی تو ہونق بنے نواب صاحب کو دیکھ کر چلا تھی۔
“کون ہیں آپ۔۔۔۔۔؟ اندر کیسے آئے۔۔۔۔۔؟ کیا کر رہے ہیں یہاں۔۔۔۔۔؟” ایکدم سارے سوال کرنے کے بعد اس لڑکی نے کرسی کے اوپر سے براہ راست چھلانگ لگائی صوفے پر اور اگلا جمپ لگانے کے بعد عین ان کے سامنے آکھڑی ہوئی تھی۔
” منہ بند کر لیجئیے، خوف آرہا ہے۔۔ “لڑکی کی بات پر نواب صاحب نے سٹپٹا کر پہلے منہ بند کیا تھا اور پھر فوراً اپنے باز و سمیٹ لیے تھے۔
” لا حول ولا۔۔۔ یعنی کہ انتہائی گستاخ ملازمہ ہیں آپ۔۔۔ ” چند لمحے بعد انہیں احساس ہوا کہ ملازمہ ان کی شان میں گستاخی کر چکی ہے۔
” حد ہو گئی یعنی کہ اس گھر کے ملازمین کو نوابوں سے بات رکنے کی بھی تمیز نہیں۔۔۔” سامنے کھڑی لڑکی جو ملازمہ کے لقب پر غیظ و غضب کا شکار ہوئی جارہی تھی ، اب طنزیہ انداز میں انہیں دیکھ رہی تھی۔
“اوہو۔۔۔ تو آپ نواب ہیں۔۔” اس نے خاصے محفوظ انداز میں نواب صاحب کو دیکھا جن کی زلفوں سے ابھی بھی قطرہ قطرہ پانی ٹپک رہا تھا۔
“جی ہاں۔۔۔ ہم ہیں نواب حسان اعظم الدولہ ولد مہتاب الدولہ ولد معراج الدولہ ولد ۔۔۔۔۔”
“دولہ ہی دولہ۔۔۔۔۔ “لڑکی کی زبان دوبارہ پھسلی تھی۔
” کچھ نہیں جی۔۔۔ ہاں تو آپ بتارہے تھے کہ آپ نواب حسان۔۔۔۔ کیا۔۔۔۔۔؟ نواب حسان۔۔۔۔۔اوہ۔۔۔تو۔۔۔۔”لڑکی کی حالت صدمے سے یا شدید حیرت سے غیر ہوئی تھی اور اس کے ساتھ ہی وہ فل سپیڈ سے ان کی طرف دوڑی تھی۔
” ارے۔۔۔۔۔ارے، یہ کیا کرنے جارہی ہیں آپ۔۔۔۔۔؟ ” نواب حسان بو کھلا کر رہ گئے تھے مگر اس سے کہ وہ کچھ سمجھتے ، لڑکی آندھی و طوفان کی مانند ان کے قریب سے گزر کر غڑاپ سے ایک دروازے میں جا گھسی تھی۔
” یا اللہ ۔۔۔۔۔ یہ کیا ماجرا ہے۔۔۔۔۔؟ ” نواب صاحب حقیقتا پریشان ہو کر رہ گئے تھے۔
” مینا آپی۔۔۔۔۔! مینا آپی۔۔۔۔۔ ! وہ آگئے ہیں۔۔۔۔۔ “سناور بے ترتیب سانسوں کے ساتھ تڑ سے مینا آپی کے سامنے بیڈ پر گر گئی تھی۔
“کون۔۔۔۔۔ گڈو کے پاپا۔۔۔۔۔؟ “

Click Here To Read Online👇🏼